<?xml version="1.0" encoding="UTF-8"?><song><author>J.H. Burke</author>
<lyrics>[V1]
 Ry Rainay be fitia,
 Mpamelona anay !
 Tariho tsy hania,
 Hazoninao izahay ;
 Fa be ny fahavalo
 Mitady ny ainay,
 Mamely tsy mimalo
 Ilay ratsy hatrizay.

[V2]
 Ry Zokinay malala !
 Ry Jeso havanay !
 Toroy mba hahalala
 Ny mety izahay ;
 Ny miaraka Aminao re,
 Ry Jeso Tompo ô !
 No mahasoa ny saina,
 Ny fo, fanahy koa.

[V3]
 Fanahy Mpanazava
 Sy Mpanadio ny fo !
 Tomoera lalandava,
 Monena ao am-po ;
 Koa dia ampidino
 Ny hasoavanao,
 Ovay sy hamasino
 Ny toetray izao.

[V4]
 Ry Tompo be fiantra !
 Ry Telo izay Iray !
 Ny tananao miantra,
 Atsory aminay ;
 Rehefa tapitra andro
 Ka hody izahay,
 Mba raiso re, ry Tompo
 Mba raiso izahay.</lyrics>
<title>Ry Rainay be fitia FFPM203</title>
<hymn_number>203</hymn_number>
</song>